Bismillah

689

۶تا۱۲شعبان المعظم۱۴۴۰ھ  بمطابق ۱۲تا۱۸۱اپریل۲۰۱۹ء

مناجات بدرگاہِ مجیب الدعوات (نظم ۔ شیخ التفسیر حضرت مولانا منظور احمد نعمانی، ظاہر پیر)

مناجات بدرگاہِ مجیب الدعوات

بخش دے اس بندۂ عاجز کو اے مشکل کشا

ہے گناہوں میں غریق وسخت گھبرایا ہوا

نفس وشیطاں کی رفاقت نے رَکھا مجھ کو بعید

خاسر ونادم تِرے درپہ ہوں اب آیا ہوا

دَرتِرے کو چھوڑ کر کس دَر پہ جاؤں اے کریم

ہے ترا فضل وکرم سب خلق پر چھایا ہوا

ہے تری رحمت وسیع، تیرے غضب پر اے رحیم

بااُمیدِ لطف ہوں دامن کو پھیلایا ہوا

آرزو یہ ہے کہ مرتے دَم رہوں گھر میں تِرے

ہوزبان ودِل میں تیرا ذکر دُہرایا ہوا

دِین کا خادم بنا اس ناتواں، ناچیز کو

گلشنِ تعلیم سے عالَم کو مہکایا ہوا

 دور رکھ مجھ کو الٰہی حُبِّ مال وجاہ سے

عشق سے تیرے رہوں میں دِل کوگرمایا ہوا

اپنے فضلِ خاص سے حُبِّ محمدﷺ کر عطا

ہے تیرا اَبرِکرم عالَم پہ برسایا ہوا

ہوں قیامت میں تِرے محبوب کے جھنڈے تلے

اپنی بخشش کا و سیلہ اُن کو پھر لایا ہوا

کون ہے منظور کا بِن تیرے اے پروردگار

نامۂ اَعمال سے ہوں دِل میں شرمایا ہوا

(شیخ التفسیر حضرت مولانا منظور احمد نعمانی، ظاہر پیر)

رنگین صفحات کے مضامین

  • رنگ و نور ۔ سعدی کے قلم سے
  • Rangonoor English
  • Message Corner
  • رنگ و نور پشتو ترجمہ
  • کلمۂ حق ۔ مولانا محمد منصور احمد
  • السلام علیکم ۔ طلحہ السیف
  • قلم تلوار ۔ نوید مسعود ہاشمی
  • نقش جمال ۔ مدثر جمال تونسوی
  • سوچتا رہ گیا ۔ نورانی کے قلم سے

Alqalam Latest Epaper

Alqalam Latest Newspaper

  • القلم کے گذشتہ شمارے و مضامین
  • کارٹون
TAKWIR Web Designing (www.takwir.com) Copyrights Alqalam Weekly Online